YORUBA RCCG SUNDAY SCHOOL TEACHER’S MANUAL Ẹ̀KỌ́ KEJÌDÍNLỌ́GBỌ̀N: ỌJỌ́ KÈJÌLÁ, OSU KẸTA, ỌDÚN 2023

Devotional 2023 March 11, 2023 RCCG, Sunday School Leave a comment 88 Views

Table of Contents

Support the Good work on this Blog CLICK HERE TO GIVE AND SUPPORT US God Bless you

GET FREE UPDDATE VIA EMAIL

Join 5,770 other subscribers

IWE ILE EKO OJO ISINMI TI OLUKO TI ODUN 2023

YORUBA RCCG SUNDAY SCHOOL TEACHER’S MANUAL

Ẹ̀KỌ́ KEJÌDÍNLỌ́GBỌ̀N: ỌJỌ́ KÈJÌLÁ, OSU KẸTA, ỌDÚN 2023 –

AKORI: Ẹ̀SÌN ÌGBÀGBỌ́ ÀTI ỌRỌ̀

ÀDÚRÀ ÌBẸ̀RẸ̀: Baba, fi ìbùkún sí iṣẹ́ ọwọ́ mi kí o sì bùkún fún ìlàkàkà mi pẹ̀lú ojúrere.

ÌMỌ̀ ÀTẸ̀HÌNWÁ: Kí olùkọ́ fi àyè gba akẹ́kọ̀ọ́ láti mú ohun gbogbo tì wọn ti kọ́ wá sí ìrántí nínú ẹ̀kọ́ ti ọ̀sẹ̀ tó kọ́já “Jíjá àjàga òṣì Dànù.

BÍBÉLÌ KÍKÀ: Luku 12:15-21 BM

15. O si wi fun wọn pe, Kiyesara ki ẹ si mã ṣọra nitori ojukòkoro: nitori igbesi aiye enia ki iduro nipa ọ̀pọ ohun ti o ni.

16. O si pa owe kan fun wọn, wipe, Ilẹ ọkunrin kan ọlọrọ̀ so eso ọ̀pọlọpọ:

17. O si rò ninu ara rẹ̀, wipe, Emi o ti ṣe, nitoriti emi kò ni ibiti emi o gbé kó eso mi jọ si?

18. O si wipe, Eyi li emi o ṣe: emi o wó aká mi palẹ, emi o si kọ́ eyi ti o tobi; nibẹ̀ li emi o gbé tò gbogbo eso ati ọrọ̀ mi jọ si.

19. Emi o si wi fun ọkàn mi pe, Ọkàn, iwọ li ọrọ̀ pipọ ti a tò jọ fun ọ̀pọ ọdún; simi mã jẹ, mã mu, mã yọ̀.

20. Ṣugbọn Ọlọrun wi fun u pe, Iwọ aṣiwere, li oru yi li a o bère ẹmi rẹ lọwọ rẹ: njẹ titani nkan wọnni yio ha ṣe, ti iwọ ti pèse silẹ?

21. Bẹ̃ li ẹniti o tò iṣura jọ fun ara rẹ̀, ti ko si li ọrọ̀ lọdọ Ọlọrun.

ẸSẸ̀ ÀKỌ́SÓRÍ: ”Ọrọ̀ pẹ̀lú àti ọlá ọ̀dọ̀ rẹ ni ti íwá, ìwọ si jọba lórí ohun gbogbo; li ọwọ rẹ ni agbára àti ipá wa; àti li ọwọ rẹ ni sisọ ni din la wa, àti fifi agbára fún ohun gbogbo ” 1 Kronika 29:12.

ÀFIHÀN: Ẹ̀SÌN ÌGBÀGBỌ́ ÀTI ỌRỌ̀

Ọrọ̀ ni níní ohun ìní tàbí owó tí ó pọ̀ lọ́pọ̀lọpọ̀. Nígbà tí a bá lọ́rọ̀, a ní ju àwọn ohun tí a nílò lọ tí o yẹ́ kí o mu ayé kan dẹrùn. Bíbélì kún fún oríṣiríṣi àwọn àpẹẹrẹ ènìyàn tí Ọlọ́run bùkún pẹ̀lú ọrọ̀ ńlá; Abraham (Gẹn.13:2), Jákọ́bù (Gẹn.30:43), Sólómọ́nì (1Awọn ọba 10:23), Jòánà (Luk.8:3) àti Jósẹ́fù àti àwọn mìíràn. A fẹ́ gbéyẹ̀wò ohun tí Bíbélì sọ nípa ọrọ̀ àti ohun tí ó yẹ kí ó jẹ́ ìhá tí àwọn onígbàgbọ́ gbọ́dọ̀ kọ síi.

ÀKỌSÍLẸ̀ OLÙKỌ

ÌLÉPA Ẹ̀KỌ́: Láti kọ́ nípa ìwòye bíbélì nìpa ọrọ̀ àti ìhá tí àwọn onígbàgbọ síi.

ÈRÒǸGBÀ ÌKỌ́NÍ: Nípaṣẹ̀ ẹ̀kọ́ yìí, àwon akẹ́kọ̀ọ́ yóò lè:

a. Ní òye nípa ohun ti Bíbélì wí nípa ọrọ̀. b. Ṣàwárí bi a ṣe lè pẹ̀lú ọrọ̀ lọ́nà ti Ọlọ́run.

ÈTÒ ÌKỌ́NI: Láti lè ṣe àwọn èróńgbà òkè yìí, olùkọ́ gbọ́dọ̀ :

a. Fún àwọn akẹ́kọ̀ọ́ laye láti dárúkọ àpẹerẹ àwọn ènìyàn tí ó ní ọrọ̀ nínú Bíbélì. b. Dárúkọ àwọn àpẹẹrɛ ẹsẹ̀ Bíbélì tí ó ń tọ́kasí pé láti ọ̀dọ Ọlọ́run ní ọrọ̀ ti wá àti wípé Ọlọ́run kò lòdì síi. d. Kìlọ̀ fún àwọn akẹ́kọ̀ọ́ lórí ewu tí ó wà nínú lílé ọ̀rọ̀ tipátipá. e. Dárúkọ ọ̀nà tí ó tọ́ láti ní ọrọ̀ láìdẹ́sẹ̀. ẹ Jíròrò lórí iṣẹ́ ṣíṣe ti kíláásì méjèèjì. f. Ṣe àkópọ̀, àkótán, ìgbéléwọ̀n ẹ̀kọ́, gba àdúrà ìparí kí o sì fún wọn ní iṣẹ́ àṣetiléwá.

ÀTÚNYẸ̀WÒ BÍBẸ́LÌ KÍKÀ: Luku 12:15-21.

A. Kí olùkọ́ ṣàwárí àwọn ọ̀rọ̀ kúkurú tàbí awé gbólóhùn tàbí gbólóhùn tí ó ní “Èmi” tàbi “EMI” nínú látinú ẹsẹ̀ bíbélì yìí.

i. Ẹsẹ̀ 17b -Kíni kí “Emi” ó ṣe?

ii. ———————————-

iii.———————————-

iv.———————————

v.———————————-

B. Kíni àwọn àtúnbọ̀tán síso ọrọ̀ mọ́ isẹ́ tí a se gẹ́gẹ́ bí Ẹsẹ̀ Ogún ti wí?

ÀWỌN ÌLÀNÀ Ẹ̀KỌ́

1. OJÚ ÌWÒYE BÍBÉLÌ

2. ÌHÀ TÍ ÀWỌN ONÍGBÀGBỌ́ GBỌ́DỌ̀ KỌ SÍI

1. OJÚ ÌWÒYE BÍBÉLÌ

A. Kí àwọn akẹ́kọ̀ọ́ dárúkọ àpẹẹrẹ àwọn ènìyàn tí ó lọ́rọ̀ nínú Bíbélì ní àfikún àwọn ènìyan tí a dárúkọ nínú àfihàn ẹ̀kọ́.

B. Kí olùkọ́ darí àwọn akẹ́kọ̀ọ́ lọ sí ipò tí Bíbélì dúró lè lórí ọrọ̀ gẹ́gẹ́ bí ó ṣe wà nísàlẹ̀ wọ̀nyí:

i. 1 Kronika 29:12 Ọlọ́run ló ni ọrọ̀ àti ọlá.

ii. Deut 28:1-5: Ọlọ́run máa ń bùkún àwọn ọmọ rẹ̀ pẹ̀lú ọrọ̀ àti ọ̀lá.

iii. Orin Daf. 112:1-3: Ilé àwọn ọkùnrin àti obìnrin tí ó bẹ̀rù Ọlọ́run yóò kún fún owó àti ọrọ̀.

iv. Owó kìí ṣe ohun búburú, nítorí pé:

a. Oniwasu 10:19 wípé owó ni ìdáhùnsí ohun gbogbo.

b. Oniwasu 7:12 wípé owó jẹ́ ìdáàbòbò.

d. Owe 19:4 wípé owo máa ń ní ọ̀rẹ́ púpọ̀.

v. Oniwasu 5:19: Láti jẹ̀gbádùn ọrọ̀ ti ènìyàn ní jẹ́ ẹ̀bùn látọ̀dọ̀ Ọlọ́run

D. Látinú àwọn kókó òkè wọ̀nyí, kí olùkọ́ bèrè lọ́wọ́ akẹ́kọ̀ọ́ sọ bóyá ọrò àti owó dára fún onígbàgbọ́ láti ní tàbí bẹ́ẹ̀kọ́.

E. Kí olùkọ́ fún akẹ́kọ̀ọ́ láyè láti dárúkọ àwọn ohun wọnnì tí kò dára nípa ọrọ̀. Fún àpẹẹrẹ:

i. Ìfẹ́ owo kò dára nítorí pé ó jẹ gbòǹgbò ohun búburú (1Tim 6:10).

ii. Níní ìgbẹkẹ̀lé nínú owó kò dára. Kàkà bẹ́ẹ̀, Ọlọ́run tí ó ni gbogbo owó ló yẹ kí á gbọ́kànlé. (Owe 23:5, Luke 12:15).

iii. Níní ọrọ̀ nípasẹ̀ àwọn ọ̀nà tó lòdì kò dára nítorí pé irúfẹ́ ìlọ́rọ̀ bẹ́ẹ̀ yóò parẹ́ (Owe 13:11)

iv. Rírí ọrọ̀ gẹ́gẹ́ bí Ọlọ́run, kó lòdì kò dára nítorí pé ìwọ yóò kú lọ́jọ́ kan tí ìwọ yóò si fi ọrọ̀ yìí sílẹ̀ (Orin Daf. 49:10).

v. Wíwá owó débi wípé a kò bìkítà fún àwọn ohun mìíràn tí ó ṣe pàtàkì nílé ayé kò dára nítorí pé asán ni ọrọ̀ àti wípé àwọn tí ó ń lé e kò lè ní ìtẹ́lọ́run láéláé (Oniwasu 5:10a).

IṢẸ́ ṢíṢE KÍLÁÀSÌ KÍNNÍ: Kí kíláásì jíròrò lórí àwọn okùnfà òṣì mìíràn láìdárúkọ àwọn tí ó wà lókè yìí.

2. ÌHÀ TÍ ÀWỌN ONÍGBÀGBỌ́ GBỌ́DỌ̀ KỌ SÍI

Àwọn kókó tí a kọ sísàlẹ̀ wọ̀nyí lè mú kí ènìyàn bọ́ nínú òṣì:

i. Ṣàwárí rẹ̀ kí ó sì tẹ̀lé èrèdí ìwàláàyè rẹ (Owe 22:29).

ii. Mú ara rẹ̀ dàgbà síi nínú isẹ́ tí o bá yàn láàyo, isẹ́ kíkọ́ tàbí ọjà títà (Owe 18;15, 24:4).

iii. Jẹ́ kí ọ̀nà tí owó ń gbà wọlé fún ọ ju ẹyọ̀kan lọ. (Oniwasu 11:2).

iv. Yanjú ìṣòro àwọn ènìyàn

v. Ní ọgbọ́n kún ọgbọ́n nípa lílo fún ìdanilẹ́kọ̀ọ́ síi lórí iṣẹ tí ó ń ṣe

vi. Ní ìgbàgbọ́ nínú agbára rẹ láti ṣàṣeyọrí (Filipi 4:13).

vii. Jẹ́ ẹni tó ń fifúni dáradára (Owe 11:24).

viii. San ìdámẹ́wàá rẹ, èso àkọ́kọ́ àti ọrẹ nígbà gbogbo (Mal 3:10-12, Owe 3:9-10).

ix. Gbàdúrà kí ọ sì ka ọ̀rọ̀ Ọlọ́run fún ìtọ́ni (Orin 37:23).

x. Máṣe jẹ́ onígbèsè, yá owó láti ṣòwò nìkan (Owe 22:7).

Kristẹni gbọ́dọ̀ kíyèsí pé ọrọ̀ kò fìgbà kan jẹ́ òdinwọ̀n déédé fún ìdúróṣinṣin ènìyàn pèlú Ọlọ́run. Àwọn Olódodo kan wà tí wọ́n tòṣì (Luk.16:20-23) nígbà tí àwọn ènìyàn búburú kan jẹ ọlọ́rọ̀ (O.Daf.73:3, 12). Báwo wá ni kí onígbàgbọ́ láti jẹ̀gbádùn ìlọ́rọ wọn (Oniw.5:19; 3Joh.2), wọ́n gbọ́dọ̀ rí ọrọ̀ gẹ́gẹ́ bí ìdókòwò tí Ọlọ́run gbé lé wọn lọ́wọ́ (1Kron.29:12); wọ́n gbọ́dọ̀ lo ọrọ̀ yìí láti ṣerere kí wọ́n sì máa lé èrèdí ti Ọlọ́run.

Àwọn ọlọ́rọ̀ onígbàgbọ́ lè ṣàgbékalẹ̀ ètò ṣíṣàánú àti fífún àwọn ènìyàn ní ètò ẹ̀kọ́ ọ̀fẹ́, ṣíṣètò ìtọ́jú fún àwọn ọmọ aláìlóbìí, opó àti àwọn tí nǹkan kò lọ déédé fún (1Joh.3:17-18, Jak.1:27), Kí o sì jẹ́ ohun èlò nínú ìmúgbòòrò ìjọba Ọlọ́run (Luk.8:3, Romu 16:3). Ó ṣe pàtàkì pé kí àwọn onígbàgbọ́ fi ara wọn hàn gẹ́gẹ́ bí Olótitọ́ ọwọ ọ̀dọ̀. Nípa ṣíṣàmúlò ọrọ̀ wọn fún Ọlọ́run (1Kor.4:2, Mat.6:19-20).

IṢẸ́ ṢÍṢE KÍLÁÀSÌ KEJÌ: Kí àwọn akẹ́kọ̀ọ́ jíròrò lórí àwọn ọ̀nà Ọlọ́run mìíràn láti bọ kúrò nínú òṣì.

ÀKOJỌPỌ̀: A kò dá òṣì mọ́ àyànmọ́ ẹnikẹ́ni nítorí náà ṣe àyípadà èrò ọkàn rẹ kí o sì mọ̀ pé Ọlọ́run ló ń fún ni lágbára láti ní ọrọ̀ (Deut 8:18).

ÌPARÍ: Láti ní ọrọ̀, àwọn onígbàgbọ́ gbọ́dọ̀ mọ̀ pé ìọba Ọlọ́run àti òdodo rẹ̀ ló yẹ kí àwọn kọ́kọ́ wá ná (Mat.6:32).

ÌBÉÈRÈ

* Darúkọ ohun mẹ́ta (3) tí bíbélì sọ nípa ọrọ̀.

* Báwo ló ṣe yẹ kí oníbàgbọ́ ṣe pẹ̀lú ọrọ̀?

ÌYÀNNÀNÁ: Báwo ni a ṣe lè dojúkọ òṣì?

ÀDÚRÀ ÌPARÍ: Baba ọ̀run, jọ̀wọ́ fún mi ní ọrọ̀ àti ọlá púpọ̀ kí o sì lè òṣì jìnnà réré sími.

ISẸ́ ÀMÚRELÉ: Dárúkọ ohun márùn ún tí onígbàgbọ́ gbọdọ ko gbọdọ̀ ṣe nínú bíbéèrè láti jẹ́ ọlọ́rọ̀ (Máàkì Mẹ́wàá).

Daily Inspirational devotionals Prayer, word and Bible Verses

YORUBA RCCG SUNDAY SCHOOL TEACHER’S MANUAL Ẹ̀KỌ́ KEJÌDÍNLỌ́GBỌ̀N: ỌJỌ́ KÈJÌLÁ, OSU KẸTA, ỌDÚN 2023

Related Articles

GET FREE UPDDATE VIA EMAIL

YORUBA RCCG SUNDAY SCHOOL TEACHER’S MANUAL

Ẹ̀KỌ́ KEJÌDÍNLỌ́GBỌ̀N: ỌJỌ́ KÈJÌLÁ, OSU KẸTA, ỌDÚN 2023 –

AKORI: Ẹ̀SÌN ÌGBÀGBỌ́ ÀTI ỌRỌ̀

Related

About Devotional 2023

Check Also

RCCG Sunday School Teachers Manual 2 June 2024: Lesson 40

Leave a ReplyCancel reply

YORUBA RCCG SUNDAY SCHOOL TEACHER’S MANUAL Ẹ̀KỌ́ KEJÌDÍNLỌ́GBỌ̀N: ỌJỌ́ KÈJÌLÁ, OSU KẸTA, ỌDÚN 2023

Related Articles

RCCG YAYA Sunday School Teacher Manual 2 June 2024

RCCG YAYA Sunday School Youth For 2 June 2024 Student Manual

RCCG Sunday School Student Manual For 2 June 2024

GET FREE UPDDATE VIA EMAIL

YORUBA RCCG SUNDAY SCHOOL TEACHER’S MANUAL

Ẹ̀KỌ́ KEJÌDÍNLỌ́GBỌ̀N: ỌJỌ́ KÈJÌLÁ, OSU KẸTA, ỌDÚN 2023 –

AKORI: Ẹ̀SÌN ÌGBÀGBỌ́ ÀTI ỌRỌ̀

Related

About Devotional 2023

Check Also

RCCG Sunday School Teachers Manual 2 June 2024: Lesson 40

Leave a ReplyCancel reply

Discover more from Daily Inspirational devotionals